Extra income daw na walang puhunan

Too good to be true ba? Check out nyo na lang...

Meron kasing bagong "business" ngayon sa internet. Tawag dun smspays. Ang gagawin mo lang eh mag-register ng cel phone number mo tapos papadalhan ka nila ng text advertisements base sa mga topics of interests na ni-check mo nung nag-register ka. Bawat text daw na matatanggap mo may katumbas na bayad galing sa advertisers. In short, babayaran ka nila sa bawat text na matatanggap mo. Meron daw silang ipapadalang check kapag nag-accumulate na ang earnings mo.

Isa pa, yung program eh international kaya pwede kayo mag-recruit ng mga kaibigan at kamag-anak sa ibang bansa. Anyway, since wala namang bayad kung nag-register, na-member ako hehehe. At dahil somekinda networking scheme ito, register na rin kayo at maging downline ko. Pwede? Sige na naman o. :)

Click nyo lang itong link http://www.smspays.com/reg_country.asp?refer=168939 para mag-register or magbasa muna tungkol sa program bago mag-member. Uy wag nyo kalimutan ilagay yung referror # 168939 ko dun ha. Salamat! :)

Jan 16 2004

Praning na kung praning!

Masisisi nyo ba ako kung paranoid na ako masyado sa mga bomb attacks sa mga pampublikong lugar? Kakarinig ko lang sa news nung isang linggo yung tungkol sa bombing sa isang gymnasium ba yun sa Maguindanao. Di ba dati pa, merong isang bus na sumabog dahil din sa isang bomba? Bukod pa yung Rizal Day bombing sa LRT ilang taon na ang nakalipas. Sa dami ng balita tungkol sa mga terrorist attacks dito sa Pilipinas, mas mabuti yung maging maingat at observant sa lahat ng oras.

Ganito kasi yun….. Nung Martes, kinailangan kong lumuwas ng Maynila para mag-interview ng doctor at isang nanay para sa isang article ko sa magazine. So sumakay ako ng bus galing Laguna. Ang naupuan kong puwesto, me isang mamang ayaw umusod kaya dun ako napaupo sa tabing bintana. Pagka-upong pagka-upo ko, nakita ko kaagad sa paanan ko ang isang dinobleng plastic bag na nakatali ang tangkay. Naku, duda agad ako. Inisip ko, pwede namang basura lang yun na nilagyan ng pagkain. Kaso para kasing masyado syang bulky para sa mga Styrofoam lang o ano. Sinipa ko ng konti. Inay! Mabigat!

Napayakap ako sa bag ko sabay tingin ng pahapyaw sa mamang katabi ko. Kanya kaya yun? Tanungin ko kaya? Pag hindi sa kanya, pag daan ng kundoktor, talagang ipapatapon ko sa labas ng bus. Aba, kung bomba yun ako ang unang-unang tatamaan ano!

Naglakas-loob na akong magtanong, “Manong, senyo po ba itong plastic sa baba?” Sumagot s’ya, “Ah oo, transformer yan.” Argh! Kung kanya yun, bakit hindi nya itabi sa may paanan nya? At bakit kelangan pang sabihin sa ‘king transformer yun? Bakit may eksplaneyshun pa? Eh para namang na-reassure ako sa sinabi nya ano.

Naku naman, sa dadalawang oras na tulog ko nung gabi dahil sa pamumuyat ng anak ko, hindi tuloy ako maka-idlip man lang sa bus dahil sa sobrang tensyon. Tapos pa, biglang tumunog yung cel phone nung mama. Muntik na kong tumalon hanggang bubong. Paano, polyphonic ringing yung message tone nya tapos sobrang lakas na parang doorbell. Linstok, praning na kung praning pero naalala ko bigla yung bomba sa LRT celphone- triggered!

Siguro mga bente minutos din akong hindi mapakali. Ni hindi na ako makasandal ng relaxed dahil nga sa nerbyos. Iniisip ko ng i-text ang asawa ko para warningan na kung di ako makakauwi sa hapon, malamang kasama ako sa bus na sumabog. Eh paano kung celphone ko ang mag-trigger? Dasal na ako ng dasal na wag naman sanang sasabog kung bomba man yun dahil maliliit pa mga anak ko, waaah!

Ewan ko kung na-sense nung mama ang kaba ko pero bigla syang tumayo at sabi “Miss, kukunin ko lang yung plastic.” Naku hindi ko man lang mausod ng paa ko papunta sa kanya kaya bend to the max sya sa ilalim para makuha nya. Me umupong babae sa tabi ko. Nakahinga ako ng maluwag.

Yung mama, tumayo sya sa malapit sa pintuan ng bus. Eh di shempre mega-bantay pa rin ako kung kelan sya bababa para masiguro kong dala nya yung plastic bag nya. Eh paano kung iwan di ba? Sisigaw talaga ako ng Darna! Este tatawagin ko ang kundoktor at ipagbibigay-alam ang tungkol sa kwento ng plastic bag.

Hay sumakit na leeg ko kakasilip sa bintana, hindi pa rin sya bumaba! As in ang dami-dami ng bus stops na dinaanan, andun pa rin sya! Hanggang makarating kaming Makati at finally, nakababa ako ng matiwasay andun pa rin yung mama!

Nung kinuwento ko sa asawa ko, tawa sya ng tawa kasi nga daw ang praning ko. Eh kesa naman hindi vigilant tapos totoo palang bomba di ba? Buti na lang talaga mukhang totoong transformer lang ang laman ng plastic bag na yun. Nevertheless, sa 1 ½ oras na byahe ko, tama bang hindi man lang ako nakapahinga?!

Eleksyon 2004

Argh, nakakainis na talaga ang pulitika sa bansang itoooo! Ang daming balimbing! Sa mababasa nyo, tabi-tabi po….

Shucks sobra akong disappointed kay Loren Legarda eh idol na idol ko pa naman sya noon. Ang ganda-gandang babae pero bakit kaya lately, kahit anong sweet ng ngiti nya at pa-innocent effect ng mukha tuwing lumalabas sa TV, nahuhuli ko ang sarili kong automatic na napapabusangot. Nung minsan ngang napanood kong sabihin nyang naniniwala sya sa kakayanan ni FPJ para mapag-kaisa ang Pilipinas, sumaisip agad sa ‘kin “Ay patay na, wala na!” Asus, ano kayang prinsipyo ang sinasabi nyang pinaninindigan nya? Touched na touched pa naman ako nung umiyak sya noon sa impeachment trial ni Erap. Tapos ngayon kaalyado na nya ang bespren nun? Di kaya sumaisip man lang sa kanya na once makaupo bilang presidente si FPJ eh bigyan ng pardon si Erap para makalaya na finally? Di ba yun naman talaga ang ultimate goal ng pagtakbo ni FPJ sa pagiging presidente? Hay ang laboooo!

Isa pa itong si Miriam Santiago, kanina sa news, nakita ko beso-beso sila ni Pres. GMA. Tapos may pinakitang footage (panalo talaga ang media sa mga ganitong pang-iintriga) nung Edsa 3 na nagsasalita si Miriam “Si Gloria, tarantada!” Nakakasuka na sila ha!

Kawawa naman ang Pilipinas. Naghihirap na nga, ang gulo-gulo pa ng mga tao sa pulitika. Paano na kaya tayo uunlad? Ang dami-daming mas mahihirap na bansa ang nalampasan na tayo dahil hindi bulok ang mga namumuno sa gobyerno nila. Ngarf! Hindi ko na alam sino ang dapat kong iboto!

Kayo, me napili na ba kayo? Kung oo, pakitanong naman sa sarili nyo:
1. “Naniniwala ba talaga akong iaahon ng taong ito sa hirap ang bansa o iboboto ko sya dahil pogi sya at palaging tagapag-tanggol ang ganap sa pelikula?”
2. “Iboboto ko ba yun dahil sa dikta ng ibang tao sa paligid ko at hindi dahil sa sarili kong desisyon na nagmula sa puso ko?”
3. “Boboto ba ako batay sa mga lagay na matatanggap ko pag dating ng panahon ng kampanya?”

Kaunting panahon na lang, eleksyon na. Sana naman pagdating ng oras, iboto mo ang isang kandidato dahil sa kanyang sinseridad at pagiging totoo. On second thought, hmmm, parang mahirap ma-discern yun. Hingi tayo ng tulong sa taas.

Pinoy, mag-isip ka!

Mag-ingat sa mga manloloko!

Hay naku, kahapon may nag-miss call sa cel ko, mabilis na mabilis lang nya pina-ring. Tapos biglang me pumasok na message from the same #: 09174830540. Nakalagay "CONGRATS!! Ur cel # is d1 of our lucky winner N "GMA/CFP" during our last drw ysterday, JAN, 05, 2004. 4 more information PLS CALL NOW ATTY. MAX MANDING.." Asus, paano naman kaya mananalo ang cel # ko kung saan, eh halos isang buwan ko pa lang ginagamit yun at konting-konti pa lang ang nakakaalam.

Lintsok na yun, balak pa kong goyohin. Sagutin ko nga ng "Wala n b kayong mgawa kndi manloko ng tao? Bagong taon na mag bagong buhay k na! Dagdag pa kyo s mga problema ng pilipinas! Ire-report ko # mo sa ntc!" Di naman sumagot na. Pero kakagigil talaga. Sobra na sila, naghihirap na nga mga tao, dedengoyin pa nila! Kainis talaga.

Sana naman by now, wala ng naloloko ang modus na yan. Me mga kilala ako pinatulan at nag return call. Ngak ang mahal ng voice calls sa cel ha! Tapos hiningan sila ng pera para daw sa processing fee. Grrr, ang sama-sama ng mga manlolokong yun!

Saan ba dapat talaga nire-report ang mga ganun? Meron bang magagawa kaya ang NTC about it? Tipong i-block na ang cel # para di magamit na. Hindi ko nga binubura pa sa cel ko. I hope I can find an organization who handles things like that. Para naman magtanda ang mga lokong yun. Kung me alam kayo, please do email me about it. Thanks! Kung me magagawa man lang ako kahit sa maliit na paraan para magtanda ang mga manlolokong ganun, masaya na ako.

Manigong Bagong Taon! Sana naman karamihan sa atin eh nag-enjoy sa mga happenings noong Pasko at Bagong Taon. Ako, basta nakita kong happy ang mga tsikiting ko sa mga natanggap nilang mga regalo galing sa mga nagmamahal sa kanila, ayos na! Sarap ng reunion ng isang grupo namin, enjoy kaming mag-asawa sa halakhakan at kamustahan ng mga kaibigan naming matagal ding hindi nagpakita.

Per nakakalungkot yung pagkamatay ni Miko Sotto ano? Naku, di po ako ma-showbiz pero pag nakakakita ako ng nanay na nagdadalamhati sa pagkawala ng anak, sobrang awang-awa ako. Ni hindi ko man lang ata napapansin yung batang iyon sa TV dahil hindi naman ako nanonood ng mga teeny-boppers na palabas. Kaso sobrang heart-rending naman ang sinapit nya. So young for an early death :(

Anyway, ano ba yan, morose na morose eh bagong taon. Sabagay, maraming tao ang hindi nag-enjoy the celebratory shift from 2003 to 2004 dahil sa mga trahedya ng buhay. Ang dami-daming nawalan ng mahal sa buhay sa Leyte. Maraming pamilya ang nagkulang ng miyembro. Sino ba naman ang di malulungkot nyan? Kahit hindi sa akin nangyari, alam ko ang pakiramdam ng isang namatayan ng minamahal kaya ganun na lamang ang pagsimpatya ko sa kanila.

Hay, sana sa pagpasok ng bagong taon na ito, mas kumonti ang crimes sa Pilipinas, mas maging maganda ang takbo ng economy natin at matauhan na ang mga pulitikong walang magawa kundi magpayaman, maghangad ng kapangyarihan at gawing mga puppets ang mga nasasakupan. Parang ang simpleng sabihin ang mga hiling ano? Samahan na lang natin ng dasal. For sure naman, andyan ang Diyos para tumulong sa atin. Nga lang, sana matuto din ang mga Pinoy na tulungan ang kani-kanilang sarili.

Linis-kalat, Linis-kwarto

Me na-discover akong technique pano paglilinisin ng kwarto nila ang mga anak ko. Sa dami ng kalat sa ibabaw ng desk, sa bed at sa sahig, kahit ilang ulit kong pakiusapan na magligpit, hindi talaga nila magawa ng maayos at kumpleto.

Isang araw, kumuha ako ng isang walang laman na sako ng bigas at lahat ng makita kong laruan na wala sa lugar, isinako ko. Panic yung tatlo. Daming protesta na wag daw yun, wag daw yan. Iniwan ko si sako sa gitna ng hallway kunyari me gagawin akong ibang bagay. Pagbalik ko wala ng laman ang sako at pagsilip ko, malinis na malinis ang kwarto. Nakasara pa lahat ng drawers ng durabox-for-toys nila. Epektib!

Kaya ngayon, isang warning ko lang na in 5 minutes magsa-sako sweep ako, mabilis pa sa alas-kwatrong nagliligpit ng gamit ang mga bata. Ayos talaga! Kaso kaninang hapon, napansin kong tinamad ata silang magwalis kaya comment ko agad "Wala nga kalat, andami namang alikabok!" Sagot ni Leland? "Eh Mommy yung alikabok na lang kaya ang isako mo?" Ack! Pilosopong bata!

Baby-Switching

Ano ba yan?! Nakanood ako kagabi sa Imbestigador ng isang nakakainis na istorya tungkol sa isang nanay na nanganak sa isang hospital sa Rizal province.

Tama ba namang i-announce ng doctor na baby girl ang bata at ilagay sa records na healthy pa daw, tapos after ilang oras eh sinabihan ang nanay na namatay ang bata dahil masyadong mahina? At biglang kabig ang ospital na lalake daw ang anak nitong si misis at hindi babae. Baka daw nagkamali ang student nurse sa delivery room.

Pambihira namang kwento yan!!! Nagpa-interview yung director ng ospital (nakakapagtaka pa bang ayaw humarap sa camera ng doctor?) at mega-tanggol sya sa mga doctor nila. Sinisisi yung student nurse (na ayaw daw din humarap sa camera, o pinagbawalan nila?). Eh sus! Ngayon lang ata ako nakarinig na nurse ang nag-announce ng “I’ts a boy/girl!” Eh me doctor naman na nagpaanak. At yun mismong doctor ang itinuturo nung nanay na nagsabi ngang “Babae!”

Pinakita nina Mike Enriquez yung discharge slip nung bata, may erasures dun sa part ng Baby Boy Something, halatang pinalitan nga ng information. Tapos nag-request ang nanay na makita yung patay na sanggol para daw baka sakaling makaramdam sya ng lukso ng dugo. So sinamahan sya sa morgue ng hospital. Nanay ko! Naaagnas na yung baby! Ano ba namang facilities meron ang ospital na yun??? Kasi daw 7 days ng patay. Eh kahit na ano! Nakakagigil, ang bulok-bulok ng sistema nila!

Awang-awa ako dun sa nanay. Kahit pa sabihin ng ospital na di na daw pababayarin ng bills (hindi naman sila halatang guilty ano?) at ipapa-DNA test daw yung nanay at sanggol to prove na anak nga nya yun. Nakah, for hospital people, napakadali naman atang mag-fabricate ng results! At totoo kayang gagastos sila ng P35,000 para sa DNA testing? Ewan, hindi ako naniniwala. Ni hindi nga nila malagyan ng aircon morgue nila, papa-DNA test pa sila?!

Bilang isang ina din, nakakapang-lumo makarinig ng mga ganyang kwento ng panganganak. Sobrang nakakalungkot at nakakabwisit! Fear ko din yan tuwing manganganak ako noon. Nakakarinig na rin kasi ako ng mga kwentong nagkapalit ng babies. Gaya nung pinsan ng asawa ko na sa V. Luna nanganak. Alam nilang babae ang anak nila. Nung dinala ang baby para padedehin, pagbuklat sa diaper, lalaki ang nabigay sa kanila! Buti na lang daw, dalawa lang ang baby sa nursery that time. Pero naman! Ang engot naman ng mga nurses doon kung dadalawang bata nga lang eh nagkakamali pa! At least nabalik agad ang bata sa kanila.

Buti na lang, dun sa panganay at pangalawa kong mga anak, sila lang ang pinanganak ng araw na yun kaya walang ibang baby na lalagyan ng wrist tag. Saka maliit lang kasing hospital ang Muntinlupa Doctors. Room-in na rin agad. Sa pangatlo ko, since premature birth, sya lang naka-incubator sa nursery at pinakamaliit, kaya sure kaming anak namin yun. At sa bunso namin, kahit medyo may karamihan ng babies sa nursery nung nanganak ako, andun ang trusted pedia namin na sumambot kaya siguradong hindi napalitan. Besides, magkamukha itong si bunso at ang pangalawa kong anak. Solve!

Pero di ba, sobrang nakakaawa ang kapwa nating nanay pag may mga ganyang kwento. Sana talaga mabigyan ng katarungan yung si Jessica. At sana makonsyensya ang mga doctor dun sa lintsok na ospital na yun. Baka kasi may gustong mag-ampon ng baby girl kaya nila ginawa yun, which makes them sobrang sama! Naku nakalimutan ko pangalan nung OB. Dra. Ceresa, Cecero, Cerbeza or something. Basta! Kainis sya! Hindi sya dapat naging doctor kung wala syang malasakit sa pasyente!

Pangarap sa Pasko

Kahapon ng tanghali, nakapanood ako ng isang portion sa Eat Bulaga kung saan nag-ga-grant sila ng Christmas wishes ng mga susulat dun sa portion (forgot the title).

Nakaka-touch kasi yung dalawang batang na-feature, ang hiling lang nila, bagong sapatos (para dun sa batang lalake na walang sapatos na pampasok sa eskwela) at bagong uniform (dun sa batang babae na conscious na nga naman lumang-luma na ang damit nya pagpasok sa school). Kakaawa. Napaka-simple ng hiling nila habang maraming mayayamang Pilipino ang sangkatutak ang damit at sapatos na hindi na halos magamit lahat sa sobrang dami.

Nakaka-bless panoorin ang mga shows na nagbibigay ng kahit konting kasiyahan sa mga kapus-palad nating mga kababayan. Sana lang hindi pang-Pasko lang. At least andyan nga pala yung Wish ko Lang ni Bernadette Sembrano. Isa pa yung show na malimit, naiiyak ako pag napapanood ko.

In line with this, baka naman gusto nyong makatulong sa mga batang mahihirap para makapag-aral. Bisitahin nyo naman ang World Vision booth sa Glorietta (andun sila hanggang Dec. 20) at magtanong para malaman paano kayo makakatulong. Sabi nga nila, "Help change the life of one child today, and you'll see you'll make a difference." Sana suportahan natin ang napakagandang endeavor na ito.

On the piracy issue

Malimit na ngayong ipalabas ang commercial nina Bong Revilla about piracy. Ano kaya reaksyon ng maraming tao? May na-guilty ba at tumigil bumili ng pirated VCDs at DVDs? O walang paki pa rin ang karamihan sa mga Pinoy, na bumubuo sa tinatawag na masa at masasabing wala namang pambili ng mga original?

Napag-usapan ito sa isang egroup ko. Isa kasi sa members ay may anak na nagtanong sa kanya “Mommy bakit pag bumibili daw tayo ng pirated, pumapatay tayo?” Kaya nagsimula ang diskusyon. Sa mga ibinahagi ng mga kasama ko, pati ako napa-isip sa mga argumento nila. Gusto n’yo ring malaman? Halika, basahin din n’yo kung ano ang mga opinion nila tungkol sa piracy issue:

Ang tanong – NAGI-GUILTY KA BA SA PAGBILI MO NG PIRATED VCDs AT DVDs?

G: Ako heto lang, trying to justify lang ha... kasi kung maganda naman talaga ang mga movies, kung baga quality ang mga movies/songs, people would be willing to buy the original ones. Recently, I heard si Sarah Geronimo eh nagplatinum ba tawag dun? Basta nagka-record sya because of her nice song. So you see, may bumibili rin ng original, KUNG WORTH IT SYA!

The point is may market for the pirated VCDs and DVDs sa hirap ng buhay ngayon. Paginhawahin muna nila ang buhay ng Pilipino bago sila magdemand na mga anu-ano. Tax palang eh patay ka na eh! Peste sila!

N: On pirated vcds, agree ako sa sinabi ni G. Tama lang yung ayusin muna nila yung economy, bawasan ang tax na in the end ay kinukurakot lang ng mga pesteng government officials saka sila mag-impose ng mga laws tulad ng piracy chuva. Nature na ng Filipinos mag-crave for entertainment especially for movies/music but then di naman lahat can afford. Di ko lang maintindihan bakit pati yung konting bagay na yun eh ipagkakait pa. I think you should explain na lang ng maayos sa bata yung situation & tell him hindi literally pumapatay ang isang tao kapag bumili. It's a lie!

A: Ako deadma sa earth. Ang akin lang, madali for them to say that kasi kumikita sila. They can afford to go abroad kung gusto nila. E tayo naman, common tao lang. Sabi nila intellectual property rights daw nila. Sa dami ng problema sa Pinas, gusto ko lang ma-entertain na di naman masyado kung ano pa iniisip ko. Kung Philippine movies ang pinag-uusapan, may nanonood pa din naman ng sine. May bumibili pa din ng orig na VCD/DVD. Kumikita pa din sila. Ewan ko kung sino namamatay pag bumili ng pirated. Isa pa kung ikaw bumili ng pirated na Disney movie, ano kinalaman nun kay Bong Revilla? Dito siya ginawa, pero walang bearing yun sa local entertainers. Kung may magrereklamo, yung Disney ang dapat magreklamo kasi wala na silang mare-receive na royalty for that. Another point, ang bentahan ng VCD before piracy flourished: P300 minimum. Nung nagkaroon ng piracy, naibaba nila sa P150. Saan pumupunta yung P150 pa na binabayad ko noon? At syempre, di naman nila ibababa sa P150 na palugi sila. May kita pa din sila syempre. Kung hindi dahil sa piracy, walang fighting chance yung mga hanggang P200 lang ang afford ibayad for a VCD. Tsaka kung sa intellectual property rights lang, e di dapat bawal din mag-rent? Pag ikaw ba nag-rent halimbawa sa Video City, sila ba nagreremit din ng percentage sa VRB? Kasi diba ang nangyayari, yung shop lang ang kumikita for the rentals. One time lang ang kita nung nagpurchase yung shop. Bago nila ibawal ang piracy, dapat busisiin muna nila yung mas malalaking problema. Ayan na nga, nabanggit na yung tax. Eh tax pa lang, ubos na sahod mo, tapos kukurakutin lang ng kung sino. Kaya nga yung mga mahihirap, mas naghihirap pa. Ayusin muna nila yan, bigyan nila ng chance yung small business people, saka nila ibawal yung dapat ibawal. POV ko lang. Bato-bato sa langit, ang tamaan ay wag magalit.

S: IMO kasi mga bagay na di natin kaya pa i-control like yung mga batas batas na yan.... I mean di ganun kara-karaka may magagawa tayong pagbabago, it has to be a collective effort and may kasamang divine intervention. Oo na may mga gumagawa ng kalokohan, bulok ang gobyerno... etc.... Pero ang sa akin kasi conviction na rin e, nakakaramdam ako ng guilt kasi alam kong may mga taong namuhunan para dito. Mas credible naman siguro bayaran mo ang mga videohouse rentals ng sapat na halaga... than those people na wala namang pinuhunan... kumopya lang mga materials na walang silang pag-aari. Well, chicken and egg lang din ito, at least nai-explore natin ang mga issues at makakapag-isip tayo.

A: Psst S, yung mga nagpa-pirate namumuhunan din sila kasi bumibili sila ng resources (machines for mass-copying of the discs and cover paper production) pang-kopya hehehe. Nanggugulo lang po!

L: On piracy issue... hay naku, hindi rin ako nagi-guilty! Matagal na silang nandadaya ng consumers kaya it’s about time na tayo naman ang maka-isa sa kanila! Hindi ko alam kung nasulat ko dito na nung time na ni-raid ang Quiapo, nagpunta pa kami! Kaya lang nga, yun, kita namin sarado ng mga shields ng mga pulis dahil may raid pala! Bwiset talaga! Ang sabi nga ng friend ko na taga-banda, yung nangpa-pirate ng local music, malamang yung mga recording companies din mismo, kasi sila naman yung may resources para gawin yun... hindi sila talaga nalulugi kasi nga yung mga bumibili ng pirated cds sa kanila din pumupunta ang kita, nakatipid pa sila kasi hindi na sila magbabayad ng royalty sa mga singers... tsaka yang singers na yan hindi naman talaga kumikita sa album sales so hindi sila that affected ng piracy, ang bulk ng kita nila comes from concerts, TV guestings, endorsements... na come to think of it, pag pirated ang CD nila, mas madami ang nakaka-rinig sa kanila at mas nagiging popular sila, so mas madami ang raket nila! Sa totoo lang kung 100%, 10% lang ng kita ng singers ang galing sa royalty kaya hindi talaga kawalan sa kanila ang album sales. As for pirated DVDs naman, hindi nga naman nahu-hurt ang local movie industry dahil wala naman local movie ang pina-pirate, puro mga imported films kaya walang kawalan yun sa local movie industry at yung mga nagpa-pirate naman ng local movies na VCDs, karamihan din galing sa industry nila 'noh so sila din ang pumapatay sa sarili nila! Leche yang mga yan, tayo pa ang inaakusahang mamamatay tao! Hmph!

I: Government officials mismo may commission sa mga nagpa-pirate ng VCD. Yung mga nare-raid ng VRB, either hindi naglagay or excess nalang na kita yung mga nakapaglagay na.

A: Ewan ko ha....pero for some reason, kahit yung mga nagbebenta nga ng pirated warned beforehand kung may dadating na raid. Minsan kasi nagpunta kami sa Greenhills to pick up orders of pirated DVDs, yung kausap namin may ibang place na pinagkuhanan ng order namin (for safekeeping daw) kasi may expected raid daw within that day. As in, kahit yung mga additional na binili namin, sa isang bag na neatly packed kinukuha, tapos di nila nilalabas ng sabay-sabay.

G: Naku A... agree ako sa iyo na nakatulong talaga sa competition ang piracy din. Kasi kung hindi, complacent lang sila eh. Natigil din or if not, na minimize ang mga non-sense na films na feeling mo luging-lugi ka kung nanood ka man sa sinehan.

Admittedly may good things and bad things yan nadudulot. Yun nga, it taught the producers to be more prudent in their selection of artists and in making quality films. It also made them think out of the box kung pano i-drive down ang cost and at the same time produce quality products.

Bad things - feeling ko mamamatay ang industry ng video rental. Bakit ka naman mag-r-rent for P15/night or more kung makakabili ka ng P30/CD or VCD na puedeng unlimited showing? Pero I still believe hindi mamatay ang showbiz industry. To begin with, overpriced nga sila and overrated. Exaggerated yang mga artistang yan at napaka-OA, sa bagay part naman yan ng trabaho nila. They're so used to pacute-cute kasi kahit hindi marunong umarte. Limpak-limpak na bayad sa kanila kahit isang tawa lang nila kahit sintunado kumanta o parang may dalawang kaliwang paa kung sumayaw. Ay ewan, feeling ko kikita parin sila kahit na babaan kasi nila ang selling price nila sa mga pelikula na yan, at magagawa nila yan kung babaan nila kasi ang overhead nila o ang mga bayad sa artista na admittedly, overpaid talaga ang karamihan.

Hehehe,... ang daming rason anoh? Ganun naman kasi trying to justify. It's there... it's reality for me and it's an opportunity. Ganun lang yun. May difference rin naman ata (I think???) in terms of quality. Kung original at mas maganda ang packaging at mas magtatagal? Parang yung Harry Potter na nasa internet. Instead of buying the book, puede kang magtyaga sa soft copy at i-print mo. Hassle nga, pero naman mas mura magprint ano! Kaysa bumili ka ng libro. Pero di hamak naman mas maganda naman na naka-display ang libro sa cabinet, kaysa sa ni-print mo lang sa papel.

So, H... hwag na maguilty. Kung ako nga eh hindi na gi-guilty. Kasi kung mag-guilty tayo eh baka wala na tayong magawa sa buhay natin. Kahit yung pagbili ng sukang fake... sabi kasi ng asawa ko, may mga Datu Puti na fake sa mga probinsya (esp in Visayas). Mas hindi nga maasim at may shelf life. Pero yun nga, mas mura, pero mas mababa ang quality. Kung gusto mo ng original, you really have to pay a premium for that. Ngayon question is... is it really worth buying an original? Dapat yan ang iniisip ng mga producers at artista bago sila gumawa ng ingay tungkol dyan sa DVDs and VCDs.

Naku, and the list goes on and on... lahat sa everyday life natin, daming similar situations na hindi naman masabing pagnanakaw. Pero bakit ito ganun? Kasi may vested interest ang mga yan kaya sinasabi nilang bad ginagawa natin. Kung alam ko lang, mismo mga politiko and artista, may fake na VCDs and DVDs sa house! Pupusta ako dyan!

E: Sa ganang akin, kung hindi unaffordable sa common tao ang mga yan e sana yan ang tinatangkilik ng tao. Kahit naman yang si anti-piracy Czar e natsi-tsimis na 'nangongotong'. Walang pera ang tao kaya binibili nila yung makakaya lang nila. You cannot argue against economics e.

Ipagpa-umanhin po ang mga “french” words dito. Hindi galing sa akin yun pero I included them para ipakita na may mga tao talagang disgusted na sa sistema ng bansa natin. At inuulit ko lang po, lahat ng nasulat dito ay opinion ng ibang tao, hindi nanggaling sa akin. Hindi na ako magdadagdag ng opinion dahil meron na naman akong nasulat tungkol sa isyu sa isang dating post ko dito sa blog. Namangha lang ako at mas lalong napag-isip sa mga na-share nitong mga ka-egroup ko.

Alam kong napaka-sensitive ng isyung ito. Pero kung hindi natin pag-uusapan, paano natin maririnig ang panig ng mga maliliit na tao? Paano maiintindihan ang dahilan bakit nga ba hindi mawala-wala ang piracy dito sa Pilipinas?

Ngayong nabasa na ninyo ang mga argumento dito, sana lang eh mas naging malawak ang pang-unawa ng iba sa isyung ito. At please lang, kung balak nyong mambato ng kamatis, paki-tingnan muna ang sarili mo kung ikaw mismo ay hindi kailanman masasabing may ginawang sablay sa buhay mo.

Kwentong patawa:

Nung Sabado, nanonood ako ng Imbestigador sa channel 7. Once in a while, tumitingin din sa TV ang panganay ko habang nagdo-drawing sa kama.

Everytime lalabas si Mike Enriquez sa screen, napapatingin talaga sya. At nung bandang huli na, habang sinasabi ni Mike ang “Hindi namin kayo tatantanan!” with matching pointing finger, hindi na nakatiis ang anak ko at biglang nag-comment ng “Mommy, bakit si Mike Enriquez hindi na sumasaya?”

Hehehe, ayan lagi kasing mukhang nakasimangot, napagbintangan tuloy na hindi marunong ngumiti.