Porma lang

Two weeks ago, naggo-grocery kami sa SaveMore Alabang nung nakita ni Josh yung Coke booth na may colorful glasses and plates na naka-display. Binasa n'ya yung poster and nag-ask kung pwede daw kami bumili ng tatlong Coke 1.5L para maka-claim s'ya ng glass.

Actually, I don't encourage my kids to drink sodas. Paminsan-minsan lang talaga and, as much as possible, kapag sa parties lang na ina-attendan namin kung walang sini-serve na juices.

Pero sige. Since magpa-Pasko naman, pinagbigyan ko na. Pinili n'ya yung red glass which looks good enough sa malayo although plastic lang pala s'ya. Unlike yung magagandang glasses from McDo dati na made of glass daw talaga (according to my friends who are Coke drinkers and who did collect the glasses during the McDo promo).

Anyway, nakalagay din doon sa Coke poster na pwede mag-exchange ng seven caps na may Santa Claus logo para naman dun sa plates. Eh tatlo lang yung crowns namin.

So last Christmas, I ended up gathering the Coke caps from my mom's house when we went there for lunch. Naka-ipon kami ng pito! hahaha.

Nga lang, noong pinapalitan na namin ng plate yung caps the next time we went to the grocery, na-disappoint naman ako kasi ang nipis-nipis nung plate. Maganda lang yung design pero mukhang di s'ya magandang gamitin. May mga gusot-gusot na part pa dun sa ibabaw as if hindi man lang inayos ang pagdikit nung design na kapag kinainan mo eh matutuklap.

Ending? Ayun, baka pang-display na lang ang mangyayari sa kanya during the Christmas season. Hmmm, 'di kaya yun lang talaga ang purpose for those plates?

Hay naku, another disappointing promo na puro hype lang. Ang yaman-yaman ng Coca-Cola, sana mang lang may kalidad talaga yung pinamigay nilang items :S

Kung 'di ka ba naman ...

... maiinis!

Isa sa mga downsides ng pagkakaroon unlimited calls services ng mga telco eh ginagamit itong "playground" ng mga taong walang magawa sa buhay. Katulad kahapon, habang nagmamadali akong mag-grocery dahil kailangan ko ng bumalik sa bahay at may hahabulin pa akong writing deadline, biglang nag-ring ang Sun cellular phone ko.

Nakailan akong "Hello?" bago may sumagot na boses ng lalaki. Tinatanong ko kung sino ang hinahanap nya, inulit-ulit lang niya mag "Hello" ng mga limang beses. Nung medyo napipikon na ako at nagtanong na kung ano ba ang kailangan nya, sagutin ba naman ako ng "Wala lang."

Grrr, hello talaga! Sagutin ko nga ng, "Wala pala eh!" sabay end ng call. Mamaya nag-text, "Sorry, nag-try lang ako magtawag ng mga numbers."

Duh! Nth time na yun na may tumawag sa Sun phone ko na hindi ko kilala at nagti-trip lang. Hindi naman pwedeng hindi ko sagutin kasi may clients akong nag-iiba ng numbers na biglang tatawag sa akin.

Ba't kaya may ganung mga tao, pang-abala sa buhay ng iba? :(

Inagawan ang Tinola :p

Sa tuwing magluluto ako ng tinolang manok, nagba-bike lang si hubby papunta sa bahay ng nanay niya sa kabilang village para pumitas ng papaya at malunggay. Ang dami kasing tanim ng biyenan ko.

Nung isang araw, tatlong papaya ang inuwi ng asawa ko. Pagbalat ko pa nung isa, manibalang na! End result, na-meryenda ko yung ilang slices (with matching vinegar-salt sawsawan) habang nagluluto ako ng dinner namin :) Gawain kasi namin ito ng mga pinsan ko sa Laguna noong maliliit pa kami. Yum!