Na-discover n'yo na ba ito?


May karibal na ang Lucky Me Pancit Canton Kalamansi flavor sa buhay namin! hehehe. Hubby and I agree that we both like Pancit Shanghai's Pata Tim flavor. May real vegetables saka malasa talaga yung sauce.

Downside, one pack is not enough para busugin ka!

Dapat lang na isoli!

Kagabi, after manggaling ang asawa ko sa bahay ng in-laws ko sa kabilang village, nakakita s'ya sa gitna ng daan ng isang Samsung cell phone. Kung nadaanan pa yun ng ibang sasakyan, baka natuluyan na yung mawasak.

Wala ng battery yung telepono. Since wala naman kaming Samsung charger dito sa bahay dahil puro Sony Ericsson ang gamit namin, tinanggal namin ang sim at inilipat dun sa phone ng anak ko. Ni-try naming tingnan ang address book pero puro Sun access numbers lang ang andun. Mukhang lahat ng contacts nung may-ari andoon sa phone.

So hinintay namin kung may tatawag. After mga 15 minutes, nag-ring na nga yung cell phone. Sabi nung nakausap ni hubby, naka-backride daw s'ya sa motor and hindi naramdaman na nalaglag ang cell n'ya.

After mga 30 minutes, pinuntahan kami dito sa bahay nung may-ari sakay ng motor ng asawa n'ya para kunin ang phone nila. Buti na lang asawa ko ang nakapulot dahil hindi namin pinag-interesan yung telepono.

Alam kasi namin ang pakiramdam ng mawalan ng phone. Pareho na kaming nadukutan ng cell phone noon. Ako, sa jeep. Si hubby, sa bus. Naiyak pa ako nung time na yun! Kaya mabuti talaga at naibalik yung phone sa totoong may ari.

Dapat naman talaga ganun 'di ba?

Bagong Text Scam: Mag-ingat!

Two days ago, nakatanggap ako ng text galing sa 09163105421. Ang sabi ng message:

"Ito na new roaming # ko. My pdla akong pakage jan, may cp k don. My mga gmit din my knya knya na pngalan un lodan nyo muna to ng 300 Wla n to l0d."

Una, wala akong kaibigan o kamag-anak na nasa abroad na alam kong may balak magkaroon ng bagong roaming #.

Pangalawa, wala din akong inaasahang magpapadala ng package sa amin anytime soon.

Pangatlo, nakakabwisit dahil kung may na-text ang kulugo na yun na may kaanak na OFW na halos swak sa circumstances nila, malamang ni-loadan nila ng P300 yung number. Dami pa namang sobrang gullible sa ganun :(

Ano ba! Ang SAMA-SAMA ng mga ganitong klaseng tao. Ang hirap-hirap na nga ng buhay ngayon, nanloloko pa sila ng kapwa. Gusto ko sana i-text back ng tipong "Ang kapal ng mukha mo! Maghanap ka kaya ng trabaho para di ka na manggoyo ng kapwa mo Pilipino!" Kaso nanghihinayang ako sa load ko. After all, what good would it do 'di ba?

Nag-send ako ng report sa custhelp@globetel.com.ph Sana aksyunan naman nila. Kahit man lang i-block ang sim # na yun para di na magkalat ng lagim. Kawawa naman yung maloloko nila :(

Hay, naiinis ako ba't may mga taong ganun!!!

Mag-ingat sa Salisi Criminals!

Nanlambot ako kahapon nung nag-text ang kapatid ko na napasok ang bahay nila sa Project 7 ng magnanakaw. Dahil sa simpleng change of routine, hindi nila akalaing may mangyayaring ganun.

Early morning ng May 26, around 3:30a.m., sumabay ang brother ko sa sasakyan ng sister-in-law n'ya para umuwi sa bahay namin sa Laguna. Naiwan sa bahay ang hipag ko, nanay n'ya, niece na 10 years old at ang 3-month old kong pamangkin.

Bandang 7 a.m. ng dinala ng nanay ng hipag ko ang basura nila sa labas ng gate. Hindi na n'ya ni-padlock muna ang gate dahil paalis na rin ang hipag ko for work after a few minutes. Habang naliligo ang hipag ko, pinaakyat n'ya sa second floor si nanay para bantayan si baby. Tulog naman sa sala ang pamangkin n'ya. Kung nandoon ang brother ko, malamang s'ya ang nasa taas habang nasa baba na si nanay.

Paglabas ng hipag ko sa banyo, nagulat s'ya dahil bukas ang pinto at bukas ang gate. Wala na rin ang tatlong cell phones sa ibabaw ng entertainment center. May bakas ng paa sa kutson na tinutulugan ng pamangkin nya.

Tantya nila, wala pang isang minuto kasi hindi nakuha yung bag ng hipag ko na nasa sala rin. Cell phone lang talaga ang pinakay.

Ang pasalamat na lang naming lahat, walang nasaktan sa kanila. Mabuti na rin at hindi na nagising yung bata at hindi naabutan ng hipag ko yung magnanakaw paglabas niya ng banyo. Ang nakakatakot kasi, paano kung may sumigaw at bigla silang i-hostage sa loob ng bahay or saktan physically.

May isa silang kapitbahay na namukhaan pa yung mama. Malaking lalaki daw at may hawak na naka-fold na dyaryo. Natakot kami kasi baka may nakabalot na patalim sa loob. Akala ng kapitbahay, bisita nila dahil nag-"Tao po" pa daw.

Nung kumalat na ang balita, umikot pa ang ilang kapitbahay doon sa surrounding streets para hanapin yung mama. Di na nila nakita. Ni-try din nila ipa-ring ang cell phone ng hipag ko. Cannot be reached na ang number. Malamang naitapon na ang sim.

Nakaka-trauma ang nangyari. Kahit hindi nila na-encounter face-to-face yung kriminal, the thought na ganun kalakas ang loob n'yang pumasok sa isang bahay basta-basta, nakakakilabot isipin ano ang pwede pang nangyari. Sobrang thankful pa rin talaga kami dahil ni-protect ni Lord ang mga kamag-anak ko.

Sabi nga ng kapatid ko, ok na yun, cell phones lang ang nawala. Mapapalitan naman yun. Oo nga, tingin na lang kami sa positive side.

Kaya ingat din po tayong lahat. Malapit na ang pasukan at marami na namang desperadong tao na kapit sa patalim at gagawa ng kahit anong paraan para kumita :(

Gasul Crisis

Sabi sa news nung umpisa ng taon, hanggang sa katapusan lang daw ng January yung shortage ng petroleum gas. Kaso mukhang tatagal pa ito hanggang March according sa Manila Bulletin website na nabasa ko kanina.

Ang nakakainis dito, hirap na nga ang mga tao maghanap ng gagamitin sa pang-luto, ang dami pang negosyante ang nananamantala! :(

Kasi last week, Thursday, naubusan na rin kami ng Gasul (yep, Petron yung gamit namin, hindi generic name ang sinasabi ko). Shempre nagtatawag kami nung mga LPG delivery services. Lahat ubos na ang stock. Pinaka-average price na na-quote nila was around P450 per 11kg tank.

Sabi ng mga nakausap namin, tawag na lang daw ulit kinabukasan ng maaga kasi baka may mga dumating na bago. So early Friday morning, tawag ulit kami. May isang tindahan na nangakong by 3p.m. daw makaka-deliver na sila. Nakapila daw kasi yung mga papagdalhan at isa lang ang delivery boy nila. Hiningi na yung pangalan ng asawa ko, address at phone number namin. Nakahinga na kami ng maluwag.

So dating gawi, bili na lang kami ng lutong ulam tapos saing sa rice cooker. Nung past 3p.m. na, nagfollow-up kami. Ayun, ubos na raw! Grrr, kainis di ba? Sabi nga ng hubby ko dun sa nakausap n'ya, "Sana di kayo nagsabi ng oras na magde-deliver kayo! Aasa-asa kaming meron tapos ngayon sasabihin ninyong wala?!" By then, kahit nagtawag pa kami sa ibang stores, wala na kaming naabutan as expected.

Early Saturday morning, naghanap na ako sa directory ng numbers ng Petron stations na malapit sa amin. Ang sagot, wala pang delivery at di nila alam kailan may darating. So bandang tanghali, nag-bike ang asawa ko para bumili ulit ng ulam sa may gate ng village namin.

May nakasalubong daw s'yang mama na naka-motor at may dalang tangke ng Gasul. Akala n'ya delivery boy pero customer pala na nag-iikot kung saan pwede bumili. Nabalitaan daw n'ya na meron dun sa tapat ng school ng mga anak namin.

So sumabay si hubby sa kotse ng kuya n'ya kasama yung empty LPG tank namin. Pagdating nila dun sa store, haba daw ng pila. Nung umikot pa sila ng konti, may nakita silang store na isang tank na lang ang naka-display. Ayun, pang-last si hubby sa nakabili. According to the tindero, lima-lima lang daw ang limit per store. Buti umabot pa kami dun sa last.

Ang bad trip lang, yung presyo, P498 na! Hindi na nga sila gumastos ng gas para mag-deliver, pinatungan pa nila yung presyo!

Yeah, I know -- Law of Supply and Demand. Pero 'di ba, sobrang nakakainsulto naman na by phone, mababa ang presyong binibigay nila sabay kabig na di na kayang mag-deliver kasi nagpupuntahan na ang mga tao sa kanila at dun pa lang sa mga pumipila, nauubos na. Pag pinuntahan mo, biglang tataas ang price kasi una-unahan daw. Duh?

Ano ba yan?! After sa pahirapang pila sa bigas, pati ba naman LPG?! Ano kayang pwede pang gawin ng gobyerno para mas lalo pang humirap ang buhay ng karaniwang Pilipino? :(

Nakakatawang Text

Can't resist. Post ko ito kasi natawa ako. No offense po kung may tatamaan. Got this from a forwarded text lang naman ...

Mga Pagbabago:

Noon,

pag maganda
ligawan mo na agad

Ngayon,

pag maganda
titigan mo muna mabuti baka bakla

Noon,

konti lang ang lalaking gwapo

Ngayon,

konting gwapo lang ang tunay na lalaki

Noon,

pag gwapo, babaeo

Ngayon,

pati mga panget babaero din :)

Inilabas daw ba ang kulit!

Malimit, kapag sobrang busy ako sa trabaho in front of the computer, hindi makasingit ang kids ko para makalaro. Alangan namang paunahin ko pa silang mag Dragon Fable or Sims kesa tumapos ako ng deadlines ano!

Last month, during a particularly busy working time for me, kinalabit ako ng bunso ko. By then, kakatapos lang nilang maglaro magkakapatid kasama si Daddy nila ng Scrabble habang maloka-loka ako sa deadlines ko. So hindi ko sila halos pinapansin.

Pagtingin ko kay Deden, hindi na nagsalita, itinuro na lang yung Scrabble board. Sows, natawa talaga ako kasi sobrang creative, nagawan ng paraan yung kulang na tiles ng letter M hehehe. Di ko ma-resist na hindi picture-an :)

Kanina ko lang ulit nakita yung picture dito sa PC kaya ngayon ko lang na-post etong blog na ito.

Earn Extra Money Online

In case lagi rin lang kayong naka-internet gaya ko, baka gusto n'yo i-try mag PTC clicking. Wala masyadong effort involved and you'll earn a little on the side.

Check out the blog I made to explain more about this at http://clickermom.blogspot.com

I'm also offering cashbacks which means if you sign up under me, I'll give back the earnings I get from your clicks by transferring money to your paypal or alertpay accounts. I just need your help in reaching payout quicker.

On your part, kahit hindi pa kayo nakaka-abot sa minimum cashout ninyo, kikita na agad kayo for your clicks under me.

Nothing to lose, lots to gain. Start getting bitten by the PTC bug here :)

Tepok!

Apat na araw mula ng mahuli ang ahas sa garahe namin, matapos na pangalanan ng asawa ko at mga anak ng “Slinky” (kahit na may violent objections ako!) at kung kailan kinuha ng asawa ko ang maliit na aquarium sa bahay ng nanay nya (ng hindi ko alam!) para paglagyan sa kanilang “pet”, ayun, nadedo na ang ahas. (Imagine my total relief! Ayokong mag-alaga ng ahas, hello!)

Kasi naman, yung balak dati na dalhin sa Parks and Wildlife (na sobrang layo sa amin, baka magtalunan sa jeep at bus ang mga makakasakay ng asawa ko kapag nakitang may dalang ahas) or ibenta sa Cartimar (na isa pang malayong lugar), hindi natuloy.



Buti na lang talaga at puyat ako nung gabi (ergo, mahimbing ang tulog kahit 10 am na) kaya wala akong kaalam-alam na niliguan pa nitong loko kong asawa yung patay na ahas para ma-picture-an!!! (Ew, kung di lang gusto ko sya talaga i-blog, kinikilabutan ako sa mga pictures na itoh!)



According to the kids, nilatag pa ng tatay nila sa sala ang linstok na kinatatakutan ko. At, talagang may-I-sukat pa sila kaya nalaman na 37 inches long ang ahas.



Hay naku, kung maa-upload ko nga lang yung video na kinuha ko (ambigat kasi ng file!) nung panghuhuli, maririnig ninyo kung gaano ako ka-freaked out sa mga pangyayari.

I just hope wala ng kamag-anak si Slinky na umaali-aligid at baka di na kayanin ng puso ko 'pag may buhay na ahas na naman akong nakita dito sa bahay next time :S

Sa wakas ....

... nahuli din ng asawa ko ang ahas na ilang buwan na akong tini-terrorize dito sa bahay namin! Twice, gumapang sa screen sa may dirty kitchen namin (nung second time, nakita ko sya 2:30am, karipas ako ng takbo sa kwarto para gisingin si hubby at nag-hyperventilate to the max ako!) at nakapasok pa ang kalahati ng katawan nya in between ng bubong at dingding! Twice, naitaboy ng asawa ko at ang matapang kong 12 year old using a lighted candle at Raid mala-blow torch. Nag-retreat ang kumag pero after a few months, bumalik na naman!

That third time, napansin na lang ni hubby na naka-coil dun sa may ledge sa may kisame almost tapat na tapat ng ulo nya habang nandun sya sa may sink! Ni-try nilang hulihin with a kind of tong na mahaba pero dumulas at nakalabas ulit.

Finally, kahapon ng madaling araw, around 3:30 am, nagkahulan ang mga aso sa garahe. Pag silip ni hubby, andun ang ahas naka-coil sa floor at may yakap-yakap na daga. Nyaaah!

Na-trap nya using the front part na grill ng industrial fan namin tapos pinatungan ng kiddie stool at mabigat na bakal. Nung medyo maliwanag na, nag-McGyver etong asawa ko ng pang-silo using an old antenna pole at mahabang steel wire. (Notice blurred ang photo kasi nanginginig kamay ko hahaha)



Ay basta, na-catch nya yung ulo through the grills tapos saka tinanggal yung takip then inabot pa ng ilang minutes bago naisilid sa isang empty 5 gallon bottle ng mineral water. Pramis, nginig ang kamay ko (with matching sigaw-sigaw lalo na nung nag-uncoil at nakita kong lampas 1 meter ang haba nya!!!!) habang vini-video yung panghuhuli.



Nung dumating ang kids from school, pinakita namin yung footage at hagalpakan sila ng tawa sa mga comments ko habang nagvi-video. Alaskado na naman ako :p Gusto i-upload ng mga mokong sa youtube kaso saka na pag naka-dsl na kami kasi baka abutin ng 24 oras pag-upload pa lang.

Ang tanong, saan kaya pwede ibigay yung ahas na yun???? Andun pa rin sya sa bote ng mineral water sa likod bahay at natatakot akong makawala!